خواطر المزيني في حب مصر

خواطر المزيني في حب مصر

بقلم الشاعر / نبيل عواد المزيني

دعوة لأولاد مصر 

ياولاد مصر و ياجلها الجديد 
يا بنينها وبنتها ويومها السعيد 
فلاح وبدوي وابن البلد من جوة الصعيد 
شاركو معنا في حبها و الايد ديما في الايد
عبر عن مشاعرك قول في حبها منتـش وحيد
و البنات الصبايا يزغرتو عشان حبهم لمصر شديد
عافية يامصر بولادك و في حبك  كلنا نشارك قريب وبعيد
المزيني يدعي وينادي تعالو يالة ياولاد بلادي نرد الجميل بكل تأكيد



البدوي يلبي الدعوة

بدوي انا من سينا ومكاني علي ضهر الخيول و جمال
القلب الابيض عبايتي و حبك يامصر في القلب منشال
افديك ياغالية بالروح وعلمك حطة علي راسي ديما شال
شالي علمك بلونة الاحمر و الابيض و الاسود هو العقال
بابك الشرقي في القلب علية مرابط  ومعايا من الاسود رجال

الصعيدي يلبي الدعوة

صعيدي انا اسمر والقلب من هواك مش خال  والعزم عندنا منة كتير رجال
حبك يامصر في قلبنا زاد و عم و بالعهد نوفي والصبرعند الشدايد لنا خال
نشيل الحمل وكتافنا تجيب الدم في الغربة نصونك ياغالية وشرفك ماينطال
بالأرض نزرع  بالجبل نقطع صخور بها نبني ومجدك بين الامم يكون عال
في قبلي كلنا وحدة مسلم وجنبة مسيحي علي الود ومحبة من اول التاريخ ماقال

الفلاح يلبي الدعوة

فلاح انا وطول عمري  يامصر علي ضهري الهموم شايل
اسقي الارض بالعرق و الدم تطرح لولادك بالخير حب وبشاير
سلاحي الفاس في ايدي علي الجوع عدوك انا ديما باعي طايل
ازرع بالأمل أرضك ياغالية ويحصد من خيرك الكل حاطت وشايل
اروي من نيلك قصيدة وفا واغزل في هواكي موال بين البلاد داير

ابن البلد يلبي الدعوة

ابن البلد انا وهي كمان امي محروسة  في القران ذكرها والانجيل
شربنا الحنان من نهرها جرجس وانا اتربينا علي حبها اصلنا واحد جيل
اتعلمنا وكبرنا علي ارضها والامان هو حضنها  ولازم علينا نرد جميل
جرجس يـبـني علي ارضها وانا بـرة اصون ودهـا و لاعمري انكر الجميل
يامصر زاد الحنين للصلاة في الحسين والغناوي واللمة علي كورنيش النيل

---

Add this page to your favorite Social Bookmarking websites

عام