نحن لاننكر انجازات السيد الاستاذ رئيس الحى ولكن هناك كثير كم المخالفات والتى يتم الابلاغ عنها من قبل المواطنين ولكن دون جدوى والسبب طبعا معروف لان السادة العاملين فى الحى واقول بعضهم وليس جميعهم ليس لهم ضمير فهم يدسون على انف المواطن الشريف صاحب الشكوى فى مقابل حفنة من الجنيهات فهناك عائلة تسكن فى حارة امام درويش النجار المتفرعة من شارع مسجد النصر جميعها تبيع الخضار وغيرة فى السوق ومعظم افراد هذة العائلة مسجلة خطر على سبيل المثال سيدة اسمها ام نورا وزوجها كلرم فكرى وجميعهم يشكلون خطرا على هذة المنطقة فهم يفترشوا اى مكان دون استأذان لاى احد ويا ويلة اللى يعارض وبعض السكان بشارع النصر قاموا بالابلاغ عنهم للحى لكن لا احد سئل فيهم مع العلم بأن هناك صاحب قهوة اسمة جمال فكرى يفترش قهوة وواخد نصف الشارع لحسابة على مرأى ومسمع من الجميع والقهوة لا يقعد فيها غير المجرمين ومهربى المخدرات وغيرهم من المنحرفين نريد حلا وردا رادعا على هؤلاء المجرمين

هناك من يعمل معكم وينزل اساسى للحملات وله راتب شهرى من محلات بمبلغ 15 خمسة عشر جنيه شهرى ولو عايزين تتاكدو انزلو وشوفو بعيونكم والكل بيدفع غصب عنه لان الكل غلط وفى الاخر احنا السكان اللى شيلين الطين وسكتين لا حول لنا ولا قوة..
وتركين من يدعى على الحي وموظفينه بسبب هؤلاءالشرزمة واثبات انه لم يقم بعمله لتركهم بمواقعهم حتى الان ( علشان يسترزقو )
واكبر دليل انزلو وحاولو تستحملو الجلوس فى ظل دق وصداع السمكرية ولا ريحة البوهية وكل ده فى منطقة واحدة امام بلوك 130 مدخل 8 , 9من الامام ومن الخلف وداخل البلوكات وهى ديه النصيبة الكبرى غرفة دور ارضى بجوار مكتب الاسكان مفتوحة سمكرى وبوهيجى

لا حول ولا قوة الا بالله
يوم الخميس 8/10/2009 نزلت حملة الساعة 11الظهر كتر خيرهم رعبو المنطقة خلف مدرسة السلام امام مسجد الفتح ولكن المضحك ان الساعة 10 الصبح نزل ميكروباص نبه كل المحلات بعدم الفتح والكل سمع كلامة لدرجة الحملة لما نزلت لقت العملية تمام ولمت اللى لمته من الغلابة اللى ولا بيعملو دوشة ولا قلق ولكن الناس التانية اللى فى بلوك 130 فى كل المداخل من 1 الى 9 استخبو ذى ما قالهم الميكروباص لحد ما يتم المرور وباللفظ هدو اللعب لدرجة انى مشيت ورا العربة جلست اضحك من المسخرة وقلة الادب اللى احنا وصلنا لها.واللى يضحكك ان سواق السيارة النصف نقل بتاعت الحملة راح جلس عينى عينك على القهوة مع المخالفين
وبعد العصر فتح السمكرى والبوهيجى ورجعت ريما لعادتها القديمة والكلمة المعتادة وانا باصص من الشباك مش بياكلو هيعملو ايه تانى
ومن الاخر .. احنا المتضررين نعمل ايه تانى

الله يكرمكم حد يرد عليا ويقولي ان الرسالة بتاعتي وصلت له

يااهل الخير احنا سكان بلك 76 اما محلات باتا بالمساكن القديمة انقذونا من البائعة والله ممكن تدخل الشقق قريب

السلام عليكم
اهلا بك استاذ زياد
كل الشكاوى المقدمة فى هذة المواضيع لم تعرض على رئيس الحى او بطريقة اخرى لم تتقدم بالطريقة الصحيحة
الردود على المواضيع هى للنقاش مع الاعضاء و طرح المشاكل و محاولة الوصول لحل ما و ليس للوصول الى الحى
هذا الموقع ليس ملك للحى او لشخص واحد فقط بل هذا الموقع ملك لكل فرد من افراد منطقة الزاوية الحمراء و بمجرد تسجيلك فى الموقع تصبح مشرف على الموقع و ليس عضو و يمكنك ان تشارك فى الموقع و تطرح مقالات و تتفاعل مع كل شخص فى الزاوية الحمراء
و ان شاء الله فى الفترة المرحلة سوف يكون هناك حملة كبيرة شعارة نحو مستقبل افضل للزاوية الحمراء
فى انتظار التفاعل اكثر من الاعضاء اقصد من المشرفين
شكرا;-)

السلام عليكم
اهلا بكل الاعضاء الكرام
انا كنت فى الحى يوم الثلاثاء 27-4-2008
و قمت بمقابلة رئيس حى الزاوية الحمراء مشكور على التعاون و تم ايجا حل لايصال شكاوى المواطنين الى رئيس الحى دون اى وسيط عن طريق الموقع و جارى العمل الان على انشاء هذا القسم الخاص بالشكاوة فى الموقع
شكرا

السلام عليكم
أرجو من رئيس الحي التوجه الي شارع أحمد حشاد (بجوار كوبري أبو وافيه)حيث ان الشارع به محلات تتسابق علي الخروج عن المساحه المسموحه للمحل الي خارج الرصيف بمسافه متر ثم متران او اكثر مما ادي الي صعوبه الدخول بسياره او حتي تحرك سياره النظافه وسير الناس في الشارع في نفس الوقت ....
وقد اتصلت بشرطه المرافق من قبل ولكن لم يجدي الاتصال اي نتيجه ولم يتوجه احد الي المكان....
فقمنا بزياره الي رئيس الحي للسؤال عن التوقيت المحتمل لإنهاء الكوبري وعن الباعه الجائلين
ونحن في انتظار اي إجراء أو زياره للشارع لإنهاءالإشغالات به.....
وارجو ايضا من سيادتكم رصف الشوارع الجانبيه من شارع احمد حشاد
ولكم جزيل الشكر,,,
أسماء سامي حسين